2008-04-08

過多幾星期，我就要入camp受訓了，所以有排都管理唔到「環有天地」(平時都懶得理了....)
所以希望係入camp前，可以攪得掂新版的程式，但呢排好懶，仲hea緊，都擔心入camp前攪唔攪得掂...
係呢段時間，希望大家幫手留意下小環的新聞同消息啦~
茄子有時間就攪埋d相片啦^^

小環，有時間就休息多d，食肥d呀!!!!!!!

2007-09-12

蔡師奶~好開心可以見証你人生的另一個階段，尋日你真係好靚呀！(比平時靚十萬倍)

首先要多謝Stan及二家姐，無你們的幫助我們不能有份參與小環的婚禮，「環有天地」亦不會咁多小環的資料，在此我要代咁多位fans衷心咁多謝你們^^

尋日可以話係我咁大個仔最開心的日子，可以親身見証我喜歡左十幾年的小環結婚，你一聲「我願意！」我眼睛濕濕的，真的很感動！任報紙怎樣寫得讚人熱瓷A都唔及親眼看見，你真的得到幸福了，我看得出Eric對你真的好好！(喜歡一個人其實就係咁簡單！)

一到逹會場，大家都嘩然，真的很靚！「大個哂」的我們又變回小fans咁，周圍影相，我們忘記了是賓客的身份係咁影！無論係樓梯佈置、會場的相片、場中間的冰雕天鵝或是港姐寶座，我們無一不影！
可惜未能如期咁係行禮前可以見面，但當到了行禮個一刻，我們的失望都忘記了，因為我們的目光只集中係你身上。

但幸運地，你係會見傳媒前出來時，你見到我仲叫我個名(估唔到2年無見你還認得我，我真的好開心^^)，好在小環鍚我，肯同我單獨影返張相o者~呵呵！
其實我們都知你同Eric好累，所以都唔敢扭你影太多相啦~(但最攪笑都係你見到永盛女友第一句就講「你老婆!?」，笑到我們停唔到！)

入到會場，又係嘩然~好有秋天feel！更加估唔到我們個一圍係主家席隔離！開心得我們….^^我同永盛講，做fans做到我們咁，可以被你邀請，仲想點...對你十三年的愛你是知道的！又同岏縑A如果早十年，我們實會跟足你全程，我們成圍實係無人坐係到~哈哈！但我們老了，唯有安靜咁參與你的飲宴！

完席的時候，我們刻意留守到最後，希望可以再同你影相及傾計！(講到尾我們還是小fans ^.^)阿Chris千叮萬囑你記住睇我們做個本書，希望你同Eric會喜歡我們送的禮物！

後記：
小環二家姐同小環把聲好似…
小環三家姐同小環好似………
小環祝你幸福快樂

另外，自從911後，我想你會少左幾個fans了~因為我想我們可以有資格做你的朋友，雖然係大想頭，但我們都覺得心態同身份都唔同了^^
Eric，以後照顧小環、保護小環、鍚哂小環的任務交給你啦~因為小環真係好抵鍚的^.^

小平

2007-05-31

原來2年無寫網主的話了…
希望大家唔好以介意啦~先前返2份工作，連瞓覺都無時間，所以無乜理會呢個網，但依家會好d了~^^

傷心及最開心的消息同時知道，真係唔知要傷心定開心!?
先係小環的小狗lulu走了，大家還叫小環不要傷心之際，又睇到佢要結緍的消息，真係開心死呢~

2007年9月11日是小環人生中的大日子，亦都係我地咁多位Fans開心的日子，喜歡小環13個年頭，無論選港姐、出唱片、或大大小小的電影或戲集，我們都十分支持她，由出function或密密支持佢，我們仍然對她不離不棄！

她開心，我們開心，她傷心，我們為她擔心，所以多多少少她都會影響我們的情緒呢^^

希望小環婚後開開心心，快快生個肥肥白白的BB^^
就算你真的要退出，我們還會支持你的^^(最多唔執呢個網)
小平

2005-03-12

今日好開心呀，計計埋埋有6~7年無同小環傾計了！
舞台劇比想像中好看，起碼我唔係望住小環唔睇其他人^.^~而歌同衫都好正呀~
我仲冒死影左幾張相添，最衰後面d人用閃燈，攪到我俾保安罵，所以影得幾張咋~
希望大家唔好介意相片質數唔好啦，偷偷地影咋~
最後補左幾張企定定的相俾大家，所以唔去係你們好大的損失！
其實我仲用手機錄左一段片的，但仲未攪好，希望遲d可以放上網啦^^

2005-01-19

很久沒寫網主的話了，由於升上yr3所以好忙，希望大家原諒~
新小環網開張至今都差唔多大半年，人數都過萬，總算安慰啦。但總係唔知點解小環好少來喎，唔知係唔係有入來但無login啦，但真的少見她的行踨…
唔緊要啦~我已經叫了BoBo同Stan見到小環的話叫呇h些入來。
我已盡力新加相片及資料了~而且亦不斷新加元素，但自問一個人的力量不夠~無論一個網怎多東西都好，沒有人支持總是不能捱下去~好在還有你們支持小環及我。
現在小環出鏡的次數比以前多很多，好像今個星期，所有晚上的劇都有她的演出，真的很開心，但希望以後還會有機會啦~
小環近來演技成熟了，做奸人的角色都做得不錯，但我還想看她做忠的啦^^
在此希望你們繼續支持小環啦